حلم... وكلمة

البلاد هاذي ليكم …
إحلموا
إحلموا... مدّوا يديكم للسماء وما تقولش ما ابعدها
إحلموا حلمة بالالوان
إحلموا حلمة مهبولة كي هبال عاشق ولهان
وشدّوا صحيح في حلمتكم
إحلموا وما تخلّيو حتى حدّ وحتى قوّة تفكّلكم حلمتكم
إحلموا... الصباح إلّي يطلع ليكم
النخلة الشامخة والبحر المعنّق السماء ليكم
الحرف... النقطة... الفاصل... علامات الاستفهام
القصيدة إلّي ما تكتبش ليكم
الألوان... الأشكال... العدم ليكم
الفن ليكم... الحبّ ليكم... الأمل ليكم
البارح واليوم وغدوة ليكم





ليلى طوبال